يـا نــاكــــــــر الـمـعـــــــــروف

[الحساس]

حاولت في بعدك أدوّر لـك أعـذار
وحاولت أعذرك مير عيّا ضميـري
محتار في نفسك وأنا فيـك محتـار
لا الدرب هو دربي ولا السير سيري
يا واحدٍ مـا لـك شبيـهٍ وتكـرار
وما كان لك في وسط قلبي خشيري
كنت الوحيد اللي عليـه الهـوى دار
كنّك تحوّل وسط قلبـي وتطيـري
ما كنت أصدق فيك عاذل وثرثـار
أيضا ولا صدقت يشغلـك غيـري
زيّنت لك قلبـي بساتيـن وأنهـار
وحطيت لك جنحان وآقول طيـري
وسوّيت لي مثواي من دون مختـار
يا ناكر المعـروف جحّـاد خيـري
معيار وصلي ما يساويـه معيـار
أعطيك رغم إنك خذيـت الكثيـري
ورفعت قدرك فوق عن كل الأقـدار
يوم إن غيرك في هواه أستخيـري
وما يرتفع مثلك وعـلا ولا طـار
إلا ووقّـع مـن جناحـه كسيـري
مانيب من عنده تحفـظ ولا أسـرار
ومانيب منهو لا نـوى يستشيـري
ما يستشير إلا ضعيّـف ومحتـار
شي يصير وشي ما هـو يصيـري
يا شين معوادك علي وأنت منهـار
ضيّعت في دربك خطاوي مسيـري
خلاص من حبك بعد كل ما صـار
مع السلامة جعل دربـك سفيـري
ما عاد لك في القلب منزل ومقـدار
ومثلك فلا يربط معـاه المصيـري
وما فادك بعادك ولا فـادت أعـذار
وسوّيت ما يمليه فينـي ضميـري