المساعد الشخصي الرقمي

مشاهدة النسخة كاملة : [خاطرة منقولة] من أنتم ؟


بنت بلادي
10-04-2011, 08:22 PM
أبيات جادت بها قريحة المهندس نوري النائلي .للرد على{ اللي ما يتسمى }عندما قال..



متهكم تسأل من أنتم؟
نستغرب ايش تكون انت .؟
انت اللي عصيت الرحمن
موصي بتحريف القرآن
ظلم شعبه وقهر الانسان
سرق ثروة تكفي بلدان



ولو تبي نزيدوا تفصيل طلعت يهودي يا عميل


جرمك من69ماهو خافي يالعين
قتلت رفاقك وحاربت اللي ما ركعش في بابك
طمست الدين وخليته الليبي مسكين
يراجي في دراهم معدودة وياريته الموعد معلوم
وزادت وضحت في بوسليم انك حقير ولئيم
وكل أفعالك ياجبان تشككنا انك انسان
زعما ايش سبايب طبعك؟
حقد قديم وثأر خوالك من صفعة 67
متهلوس مضروب في عقلك تحسابه عمرك عشرين
الشيطان مخططلك دربك مضمونه اللعنة من ربك
قاعد تبي تعرف من نحنا؟؟ والا نزيدك شن نعرف نحنا ؟
نحنا ليبيين أحرار نموتوا ولا نرضوا بالعار
صبرنا عليك صبر أيوب وقلنا بعد يكبر ويتوب
لكن ..ظلمك كبر وغول وخلانا عالهجرة نعول
و وين قتلت أخوان الدم .قررنا
نسل جدورك نقطعها أوراقك وفروعك
ونمحي وجودك وتاريخك الأسود وجنودك
يلا ..يلا بسرعة شيل كتابك الأخضر وعيالك
وشيل الخيمة وخلي جهاز التكييف لانك وغد وما تستاهل يا خسيس
وخطرها ..اصحب جردانك رفاقة دربك وخليهم وناسة دارك يا لئيم
قاعد تبي تعرف من نحنا والا نزيدك شن نعرف نحنا ؟؟


ولو تبي نزيدوا تفصيل طلعت يهودي يا عميل
كمال
10-04-2011, 09:46 PM
سلم لسان الشاعر على الابيات الجميلة ..

شكرا بنت بلادي لك أطيب التحيات
البازة
10-05-2011, 03:40 AM
شكرا بنت حياتي يا بلادي
حتى انا عندي ع زليتن من انتم؟ بقلم ابو الحارث (شخص مش معروف) المهم بارك الله فيك
الوردة الحمراء
10-05-2011, 10:45 PM
شـكــ وبارك الله فيك ـــرا لك ... لك مني أجمل تحية .
بنت بلادي
10-05-2011, 11:04 PM
شكرا لكم على تشريفكم للصفحتي....
نورتونا....